రజినీ సరసన వెటరన్ బ్యూటీ!

కబాలి’లో రజినీని స్టైలిష్ గా చూపించిన పా.రంజీత్… కాలాలో అంతకు మించి చూపించేందుకు ప్రయత్నిస్తున్నాడు. ఇటీవలే ప్రారంభమై శరవేగంగా షూటింగ్ జరుపుకుంటుంది. దానికి సంబంధించిన పా రంజిత్‌ దర్శకత్వంలో తెరకెక్కుతోన్న ఈ చిత్రానికి రజినీ అల్లుడు ధనుష్‌ నిర్మాత. ఇటీవలే రజనీకాంత్‌ పాత్రకు సంబంధించిన ఫస్ట్‌లుక్‌ విడుదలైన విషయం తెలిసిందే. తెలుగు, తమిళ, హిందీ భాషల్లో నిర్మిస్తున్నారు.అయితే తాజాగా ఈ సినిమా గురించి బయటకు వచ్చిన మరో వార్త అటు రజిని అభిమానులని, ఇటు తెలుగు సినిమా అభిమానులని కాస్తా ఆశ్చర్యానికి గురించేసింది.

 

ఈ సినిమాలో వెటరన్ బ్యూటీ, ప్రస్తుతం తెలుగు సినిమాల్లో తల్లి పాత్రల్లో మెరుస్తు, రీసెంట్ గా త్రివిక్రమ్ అఆ, నాని నేను లోకల్ సినిమాల్లో మెరిసిన ఈశ్వరీ రావు రజిని భార్య పాత్రలో ఒక హీరోయిన్ గా చేస్తున్నట్లు తెలుస్తుంది. ఈ చిత్రంలో ఇప్పటికే బాలీవుడ్ బ్యూటీ హ్యుమా ఖురేషి హీరోయిన్ గా ఎంపికైన విషయం అందరికి తెలిసిందే. అయితే ఇప్పుడు ఈ సినిమాలో మరో హీరోయిన్ గా ఈశ్వరీ రావు నటించడం అందరిని కాస్తా ఆశ్చర్యానికి గురించేసింది. ఎప్పుడో 20 ఏళ్ల క్రితం హీరోయిన్ గా కెరియర్ స్టార్ట్ చేసిన ఈమె, చాలా తక్కువ సినిమాల్లో నటించింది. పద్ధతైన పాత్రలకు అచ్చు గుద్దినట్లు సరిపోయే ఈవిడ నిజంగా రజిని సినిమాలో అతనికి జోడీగా ఛాన్స్ కొట్టేయడం నిజంగా గొప్ప విషయం.

 

రజిని పక్కన నటించేందుకు బాలీవుడ్ హీరోయిన్స్ సైతం సిద్ధంగా వుంటారు. అలాంటిది ఒక మామూలు యాక్టర్ ని అతనికి కాంబినేషన్ గా తీసుకోవడం వెనుక కారణాలు ఏంటనేది ఎవరికీ అర్ధం కాని విషయంగా వుంది.