టాలీవుడ్ నుంచి బికినీ బ్యూటీ

రీసెంట్‌గా ఇండో చైనీస్ చిత్రం ‘కుంగ్ ఫూ యోగా’లో జాకీచాన్ సరసన ఆడిపాడిన అమైరా దస్తూర్.. ఇప్పుడు టాలీవుడ్ ఎంట్రీ ఇస్తోంది. గతంలో ధనుష్ డబ్బింగ్ మూవీ ‘అనేకుడు’తో మెప్పించిన ఈ బ్యూటీ.. తన బికినీలతో మోడలింగ్ రంగాన్ని షేక్ చేసింది. మోడలింగ్ కంటిన్యూ చేస్తూనే మధ్య మధ్యలో సినిమాల్లో కూడా ప్రయత్నాలు చేస్తుంటుంది ఈ భామ. అనేకుడు అంటూ ధనుష్ మూవీ తెలుగులో డబ్ అయినప్పటి నుంచి.. టాలీవుడ్ నుంచి ఈమెకు చాలాసార్లే పిలుపులు అందాయి. కానీ వాటిని ఈమె పెద్దగా ఖాతరు చేయలేదని అనుకున్నారంతా. ముందుగా చేసుకున్న కమిట్మెంట్స్ కారణంగా డేట్స్ ఇవ్వలేక గతంలో ప్రాజెక్టులు ఒప్పుకోలేకపోయిన అమైరా దస్తూర్.. ఇప్పుడు వరుసగా తెలుగు సినిమాలకు సైన్ చేసేస్తోంది. ఇప్పటికే మహేష్ బాబు సోదరి మంజుల దర్శకత్వంలో సందీప్ కిషన్ హీరోగా నటిస్తున్న సినిమాలో అమైరాని హీరోయిన్ గా ఖాయం చేయగా.. ఇప్పుడు మరో టాలీవుడ్ మూవీకి అగ్రిమెంట్ కుదుర్చుకుందట ఈ ముద్దుగుమ్మ. దిక్కులు చూడకు రామయ్యా ఫేమ్ త్రికోటి దర్శకత్వంలో సుధీర్ బాబు హీరోగా రూపొందనున్న మూవీలో అమైరాను హీరోయిన్ గా ఫిక్స్ చేశారు. తాజాగా ఈమెకు కేరక్టర్ పై నేరేషన్ ఇవ్వగా.. ప్రాజెక్టుపై పాత్రపై ఎంతో మనసుపడ్డ ఆమె.. ఈ సినిమాలో చేసేందుకు ఉత్సాహం చూపింది. త్వరలోనే  ఈమూవీ షూటింగ్ ప్రారంభం కానుందని తెలుస్తోంది.