జులై ౭న అతిలోక సుందరి మామ్

ఫస్ట్ లేడీ సూపర్ స్టార్ , అతిలోక సుందరి శ్రీదేవి  తన 300 వ సినిమా తో మళ్ళీ ప్రేక్షకుల ముందుకు రాబోతుంది.     నాలుగేళ్ళ వయసులోనే సినిమాల్లో నటించిన శ్రీదేవి  ఇప్పటివరకు  299 సినిమాల్లో నటించింది. ఆమె తొలి సినిమా తుణైవన్  కాగా 2012లో  హిందీలో వచ్చిన ‘ఇంగ్లిష్‌ వింగ్లిష్‌’ 299 వ చిత్రం.

 

 ఇపుడు నటిస్తున్న మామ్  300వ చిత్రం.  భర్త బోనీ కపూర్‌ నిర్మిస్తున్న ఈ చిత్రంలో శ్రీదేవి ప్రధాన పాత్రలో నటిస్తోంది. రవి ఉద్యావర్ డైరెక్షన్లో తెరకెక్కుతోన్న ఈ సినిమాలో శ్రీదేవి ఓ సవతి తల్లిగా నటిస్తోంది. తన కూతురిపై జరిగిన అఘాయిత్యానికి ఎలా ప్రతీకారం తీర్చుకుంది అనేది ఈ సినిమా స్టోరీ. శ్రీదేవి లీడ్ రోల్ పోషిస్తోన్న ఈ సినిమాలో అక్షయ్ ఖన్నా, నవాజుద్దీన్ సిద్ధిఖి తదితరులు నటిస్తున్నారు. ఈ మూవీ ఫస్ట్ లుక్, ట్రైలర్ మీద మంచి కాంప్లిమెంట్స్ పడ్డాయి. ఫస్ట్‌లుక్ పోస్టర్‌లో శ్రీదేవితోపాటు ఆమెపై అమ్మ, మా, మామ్‌, అమ్మీ, ఆయీ అంటూ. వివిధ భాషల్లో తల్లిని ఏమని పిలుస్తారో రాశారు.

 

మొదట ఈ సినిమా చిత్రీకరణ చాలా వరకు ఢిల్లీలోనే జరిగింది. అయితే, అది దర్శక, నిర్మాతలకు నచ్చకపోవడంతో, గతేడాది మేలో జార్జియాలో మళ్లీ మొదటి నుంచీ సినిమా చిత్రీకరించారు. ఈ సినిమా జులై 14న ప్రేక్షకులముందుకు రాబోతోంది. కాగా, గతంలో బోనీ కపూర్ నిర్మాతగా శ్రీదేవి రెండు సినిమాలు చేశారు. అందులో ఒకటి మిస్టర్ ఇండియా. ఇది సూపర్ హిట్ అయింది. రెండోది. రూప్ కీ రాణీ చోరోంకా రాజా. ఈ సినిమా అంతగా ఆడలేదు. ఇప్పుడు చేస్తున్న మూడో సినిమా మామ్.

 

ఈ సినిమాకి ఎఆర్ రహమాన్ సంగీతం అందిస్తున్నారు. తెలుగు, తమిళ్, మలయాళం, హిందీ భాషల్లో ఈ సినిమా జూలై 7న రిలీజ్ కాబోతోంది.