చంద్రబాబు లుక్‌లో మహేష్ బాబు?
ప్రిన్స్ మహేష్ బాబు తన లుక్‌ను మార్చే పనిలో ఉన్నాడు. ప్రస్తుతం ‘స్పైడర్’ మూవీ షూటింగ్‌లో ఉన్నమహేష్ ఈ సినిమా తరువాత కొరటాల దర్శకత్వంలో ‘భరత్ అను నేను’ మూవీని లైన్‌లో పెట్టాడు. ఇప్పటితే వీరి కాంబినేషన్‌లో వచ్చిన ‘శ్రీమంతుడు’ మూవీ బాక్సాఫీస్ బ్లాక్ బస్టర్ హిట్‌గా నిలవడంతో నెక్స్ట్ మూవీపై భారీ అంచనాలు ఏర్పడ్డాయి. దీనికి తోడు ఈ మూవీలో మహేష్ బాబు ముఖ్యమంత్రిగా నటిస్తున్నాడంటూ గతంలో వార్తలు వచ్చాయి.
అయితే మహేష్ గత సినిమాలతో పోల్చుకుంటే ఈ సినిమాలో డిఫరెంట్ లుక్‌తో దర్శనం ఇస్తున్నట్లు తెలుస్తోంది. శ్రీమంతుడు, బ్రహ్మోత్సవం, నేనొక్కడినే సినిమాల్లో ఒకే తరహా లుక్‌లో కనిపించిన మహేష్ .. ‘భరత్ అను నేను’మూవీలో ఆంధ్రప్రదేశ్ సీఎం బాబునాయుడు ట్రేడ్ మార్క్ గెడ్డంను రిఫరెన్స్‌గా తీసుకుని ఆ విధంగా కనిపిస్తున్నట్టు సమాచారం. చంద్రబాబు చూపు.. న‌డ‌క.. న‌డ‌త.. గెడ్డం.. హెయిర్ .. డ్రెస్సింగ్ స్ట‌యిల్స్ అన్నీ మహేష్ ఫాలో అవుతున్నాడ‌ని, ఆ లుక్ ఎలా ఉంటుందో టెస్ట్ చేశార‌ని తెలుస్తోంది. ఈ ఫోటోషూట్‌ని సీక్రెట్‌గా కొరటాల సార‌థ్యంలో చేశార‌ని చెప్పుకుంటున్నారు. ఏపీ సీఎం తరహాలో ఉండేవిధంగా కొన్ని చంద్రబాబు వీడియోలను మహేష్‌కు ఇచ్చారట కొరటాల. మరోవైపు ‘భరత్ అను నేను’టైటిల్ కూడా మహేష్ ఏపీ ముఖ్యమంత్రిగా ప్రమాణ స్వీకారం చేసే సమయంలోనిదే అని తెలుస్తోంది. యాక్షన్ అండ్ పొలిటికల్ డ్రామాగా తెరకెక్కుతున్న ఈ మూవీలో మహేష్ సరసన కైరా అద్వానీ హీరోయిన్‌గా నటిస్తున్నట్టు వార్తలు వచ్చినా ఇంకా ఫైనల్ కాలేదు.
No comments:
Post a Comment